Ինչ է կարիեսը և ինչու է երեխաների մոտ արագ զարգանում

Կարիեսը ատամների ամենատարածված ախտահարումներից մեկն է։ Այն ատամի կարծր հյուսվածքների աստիճանական քայքայումն է, որը առաջանում է բերանի խոռոչում ապրող բակտերիաների գործունեության արդյունքում։

Երբ երեխան ուտում է քաղցր կամ այլ ածխաջրերով հարուստ սնունդ, բակտերիաները շաքարը վերածում են թթուների, որոնք սկսում են քայքայել ատամի էմալը՝ առաջացնելով սկզբում աննկատ, ապա տեսանելի վնասվածքներ։

Ախտահարումը կարող է տարածվել դեպի դենտին և պուլպա (նյարդ), առաջացնել տհաճություն, ցավ, բորբոքում և հետագայում ծամողական խնդիրներ։

Ինչու է կարիեսը վտանգավոր երեխաների համար

Երեխաների ատամները տարբերվում են մեծահասակների ատամներից իրենց կառուցվածքով և հենց դա է պատճառը, որ կարիեսը նրանց մոտ ավելի արագ է զարգանում ։

Կաթնատամների կառուցվածքի առանձնահատկություններ

• Բարակ էմալ՝ հեշտ է վնասվում

• Բարակ և զգայուն դենտին

• Մեծ պուլպա (նյարդ)՝ արագ ցավի առաջացում

  
  

Այս կառուցվածքային առանձնահատկությունները նշանակում են, որ այն, ինչ մեծահասակների մոտ կարող է ամիսներ տևել, երեխաների մոտ հաճախ զարգանում է օրերի կամ շաբաթների ընթացքում։

Կարիեսի առաջացման հիմնական պատճառներ

1️⃣ Սննդակարգը

• Քաղցր ուտելիքներ և ըպելիքներ հատկապես քնելուց առաջ

2️⃣ Բերանի խոռոչի պայմանները

• Խնդիրներ հիգիենայի հետ՝ ատամների ոչ կանոնավոր մաքրում,

• Փոքր տարիքում ատամների մաքրման անտեսում

3️⃣ Ժառանգական և ֆիզիոլոգիական գործոններ

• Թքի կազմը, որը կանխում կամ նպաստում է բակտերիաների աճին

• Ատամների կառուցվածքային առանձնահատկություններ

• Ժառանգականորեն փոխանցված ատամների թույլ ռեզիստենտականություն և այլ ախտահարումներ

  
  

Ինչ նշանների դեպքում պետք է ուշադրություն դարձնել

• Սպիտակ կամ դեղնավուն բծեր ատամների վրա

• Մութ բծեր կամ փշրված ատամներ

• Ատամի զգայունություն ուտելիս կամ խմելիս

• Երեխայի անհանգստություն առանց ակնհայտ պատճառի

  
  

  Այս նշանները կարող են վկայել, որ կարիեսը արդեն առաջացել է։